Needles and pins

Hadet på badet!

2009-08-28T06:37:00.001-07:00

Liten vits i å ha to bloggar og berre bruke den eine, så frå no av skjer det ingenting her meir. (Som om det har skjedd så mykje før...) Følg med på Heimelaga, kanskje det blir litt meir action der etter kvart.

Åååå...

2009-03-11T07:53:00.000-07:00

Lilly lærer å skrive, og kom med denne til meg i går.

Trur ikkje det fins andre som har så søte ungar :)

Pionérmenighet

2009-03-03T06:00:00.000-08:00

Helgerud menighet ligg litt framfor alle andre, og 8. mars presenterer vi eit nytt og spennande sakrament. Vi slit litt med å finne eit fengande slagord til det nye sakramentet (ikkje lett å måle seg med "løp og døp"), så kom gjerne med forslag.

Slikt kan ein finne på kontoret når ein har søte konfirmantleiarar. Søndag møtte denne kaka meg på jobb, spesiallaga av Hanne og Madeline.

Fjortissymptom

2009-02-24T09:54:00.000-08:00

Uten at eg forstår korleis det har skjedd, oppdaga eg plutselig at eg ikkje er i stand til å skrive ei tekstmelding uten å avslutte med smilefjes. Shit.

Dette blir aldri kjedelig!

2009-01-18T12:35:00.000-08:00

Jeje, hiv meg på bølga av tøysebilete eg også. Det triste med denne kledelige sveisen, er at det er nøyaktig slik eg såg ut som konfirmant i 1991, bortsett frå at eg var ein dritsur fjortis, ikkje sjarmerande og blid som no.

Resonnement

2008-11-07T11:59:00.001-08:00

Viss eg kallar Stranda heime, og Grandiosa er laga på Stranda, må det vel kunne kallast heimelaga pizza?

Tallinntur med LIV 2

2008-10-06T13:02:00.000-07:00

Sushi
Double Coffee
Shopping
Chocolateria
+ 2 kg...
Kaldt og litt vått

Mari er diskré og putter kake i ei tom tyggiseske...

Javel?

Litt skeptisk til dette...

Årets skuffelse

2008-09-11T01:30:00.000-07:00

Kirk Franklin har alltid stått for meg som kongen av gospelmusikk, og tirsdag var det konsert. Det blei en nedtur av dei heilt store. Maken til klyse har eg aldri sett på ei scene! Han virka utrulig falsk på meg, og eg får alltid litt bakfot når nokon prøver å fortelle meg at så lenge du er kristen, er livet fantastisk heile tida. Alle andre sto med hendene i været og grein, mens eg titta meg forundra rundt (og sendte blikk til Mari...) og da alle i salen måtte holde kvarandre i hendene, tok eg veska mi og gikk. Too much. Har absolutt ikkje sansen for sånn karismatisk massesuggesjon som det han dreiv med. Veit at omtrent alle andre som såg konserten er uenig med meg, men det er greit.

Happy 50th!

2008-08-29T06:17:00.001-07:00

Happy birthday, Michael, and thanks for the invite to your party. I'm really sorry, but I can't make it this year. There's something else I need to tell you as well... It was really sweet of you to send me that 5 ct diamond ring, but I can't accept it. I don't love you like that anymore, so please stop leaving messages on my phone. You'll get over me eventually, although I know it's hard. Hope we still can be friends. Enjoy your birthday!

VM i sjøldigging

2008-08-11T09:10:00.001-07:00

Etter ei veke i Praha har eg ingen bilete av Karlsbroa, gamlebyen eller festivalområdet. Derimot fins det eit godt utvalg av Pernille-og-Turid-poserer-bilete.
Det var vel stort sett dette vi dreiv med denne veka...

Og så var vi bittelitt i lag med ho her.

She's alive!

2008-07-28T14:29:00.000-07:00

Dette må vere tidenes gørraste blogg. Men det er faktisk ganske vanskelig å finne tid til å lade batteriet på kameraet, og uten bilde er ein bloggpost veldig kjedelig. Sjå berre på denne. Ikkje særlig stas. Men det har skjedd mykje bra sidan sist, for eksempel ein vellykka konfirmantleir. Fine konfirmantar, fin ledergjeng, og eg fekk friska opp putte-q-tips-i-nasen-trikset. Alt dette må det komme bilde av snart, må berre lade batteriet...Så om eit par veker, kanskje.

Skjønning

2008-07-01T00:55:00.000-07:00

Berre eit lite gla'bilde av en partydude...

Gøy med webkamera

2008-06-30T05:27:00.001-07:00

Tips til alle som har lyst til å drite meg ut

2008-06-10T02:27:00.001-07:00

Skaff deg eit eksemplar av denne plata frå 1996, og spel av eit vilkårleg spor i min nærleik. Eg vil spesielt anbefale Mariah Careys "Love takes time", som du aldri har høyrt den før: I storbandversjon, og med Turid (19) på vokal. Akkurat som Mariah tenkte det, innbiller eg meg.

Eg har ikkje orka å høyre på denne cd-en på omtrent ti år, men i dag fann eg den altså fram igjen, og sit aleine i sofaen og rødmer av skam. Det beste eg kan seie om mine prestasjonar som storbandvokalist, er at eg syng nokonlunde reint. Bortsett frå det, passa sjangeren meg svært dårleg. Men vi hadde det veldig kjekt! Höjdaren var opptreden på MoldeJazz eitt eller anna år, og eg kan framleis framkalle den nervøse kvalmen eg hadde rett før vi gjekk på scena.

Big Odd Band vart starta av Odd Fossum (= fantastisk ildsjel) i 1994, og han driv søren meg på enda. Takka vere han slapp vi unna mykje dårleg korpsmusikk på Sunnmøre. Mange av dei som har spelt i Big Odd, arbeider med musikk i dag.

No orkar eg ikkje å høyre meir.
Eg er forresten ikkje på bildet, så det er ikkje vits å leite.

For en gjeng!

2008-05-13T09:26:00.000-07:00

Forrige laurdag hadde vi konfirmasjon for dette fine trekløveret. Dei går på Haug skole, som er ein spesialskule, og eg har fått vere med å følge dei gjennom ei ti veker lang konfirmasjonstid. Det er vanskelig å seie kven som lærte mest, eg eller dei. Sjølve dagen var akkurat som den skulle, med nervøse konfirmantar og spent familie, og sjølv om gudstjenesta var annleis var den både høgtideleg og veldig rørande. Fin gjeng :)

Hjerteskjærande på mange nivå

2008-05-05T01:09:00.000-07:00

Jeg ser du går over skoleplassen

- jeg går bortover mot dassen

bare for å gå forbi deg

men du bare overser meg.

Hvorfor gjør du det?

Jeg vil jo bare at du skal se

bort på meg der jeg går.

Hver gang du overser meg får jeg et sår

i mitt knuste hjerte

det er en forferdelig smerte.

Dagens loppis-funn

2008-04-27T09:13:00.001-07:00

Det er tid for loppemarked, og i dag har eg sveipa innom tre eller fire (kom ut av tellinga). Aller helst vil eg kjøpe alle møblane eg ser og pusse dei opp, men etter å ha pussa opp en bitteliten kommode forrige gong det var loppesesong, veit eg at det er meir jobb enn det ser ut til. Så eg måtte greie meg med småting.
70-talls keramikk er ganske fint viss ein har berre litt, og desse dumme skuleelevane som står og sel har ikkje vet til å ta seg betalt. Tre fine vasar for ein slikk og ingenting.
Denne kunne eg vel strengt tatt klart meg utan:
Men det aller, aller beste kuppet i dag kjem her. Gode, gamle Starlet! Fullt av gripande historier, lesardikt, testar og alt anna som var viktig på begynnelsen av 90-talet.
Det er meir der det kjem frå, eg fekk ei heil eske for 50 kroner. No blir det gøy å gå på do! Dessutan kjem eg aldri til å sleppe opp for ting å blogge om, det spørs faktisk om eg ikkje må ha ei fast Starlet-spalte

Fine ting

2008-04-24T01:42:00.001-07:00

Må berre vise fram dei fine krydderkrukkene mine, som eg fekk til jul. Eg har ikkje satt dei fram før no, for eg har ikkje visst kva eg skal ha oppi dei. Det veit eg framleis ikkje, men dei er så fine i seg sjølv at dei kan stå der og pynte opp litt.

Kanskje eg rett og slett skal bruke dei til...krydder?

Endelig!

2008-04-18T04:06:00.000-07:00

Vi planta løk i haust; krokus, snøklokker og tulipanar. Lilly forventa at det skulle blomstre allerede neste dag, så ventetida har vore lang. I går såg vi plutselig at det var noko lilla i hagen, så det måtte vi ut og studere.
Bittebittesmå krokus på vei...
Og Lilly er kjempefornøgd og heilt frisk!

På tide med litt sjukdom igjen

2008-04-17T06:16:00.001-07:00

Forrige torsdag kom ein lungebetennelse heilt ut av det blå og sneik seg inn i denne kroppen (her ser eg for meg ein sånn blå Ghostbusters-ånd som flyg gjennom lufta og går inn gjennom munnen på den første og beste). Fra å vere i tipp topp form, var plutselig Lilly heilt elendig, med feber og frostrier og ein CRP på 450 (for dei som er inne i terminologien). Det bar rett på sjukehus med far og barn, mens mamma kristna konfirmantar.

På sjukehuset hadde dei ei veldig kul pustemaskin, akkurat sånn som Line i barnehagen har, og den fikk vi låne. Lilly ville aller helst ha Linemedisin heile tida, men det fins grenser. Det skulle vise seg at lungebetennelsen var smittsom, og brått fekk eg rett i at det var dumt av Fredrik å ete opp resten av Lilly si halvtygde appelsin.

No er begge bra igjen, og vi prøver å ikkje tenke på at Murphy's lov har ein lei tendens til å forfølge oss.

Eureka!

2008-04-01T06:34:00.000-07:00

Hah! Har funne inspirasjon, heilt uten hjelp av ræude druer!
Kanskje du synes illustrasjonsbildet er dårlig? La meg då få fortelle at det ikkje er den enklaste sak i verda å balansere eit telys på haudet (hadde ikkje lyspære tilgjengelig, men har eit veldig kult elektrisk telys på kontoret. Det gjer samme nytta.), ta bilde og samtidig sjå søt og intelligent ut. Her måtte søt og intelligent vike for lysbalanseringa. Alle som kjenner meg, veit at eg er over gjennomsnittet søt og intelligent uansett. Og ydmyk.

På leit etter inspirasjon

2008-03-27T05:44:00.000-07:00

I snart to månader har eg klaga over at eg ikkje har tid til å klekke ut nye idear på jobb. No har eg tid, men det skjer ingenting genialt i skallen. Søren og. Eg er daff, trøtt og uinspirert. Alle lure ting eg kom på i går kveld før eg sovna, er fordufta.

Velkommen!

2008-03-17T03:27:00.000-07:00

Greitt nok at kirka skal vere inkluderande, men dette er å invitere til kirkeasyl.
Feilstava er det også, men kva kan ein forvente med ein danske til sjef?

Prinsesse uten smokk

2008-03-16T12:31:00.001-07:00

Berre slapp heilt av, eg skal ikkje bli ei sånn som kallar ungane mine prinsesse i staden for det dei eigentleg heiter. Men i dette tilfellet passar det. Lilly har ønska seg så veldig Snehvit/Snow White/Snjovkveit-kostyme, så vi inngikk avtale om at ho skulle få det når ho hadde slutta heilt med smokk. Etter ti dagar med eit belønningssystem Super Nanny ville gått god for, bestemte vi at det var på tide med premie. Her er ho i slottet sitt, og eg kan love at ho føler seg fin!

Til slutt eit glimt frå familiegudsteneste for eit par veker sidan, då eg delte ut fireårsbok til både Lilly og Andrea, ei venninne frå barnehagen. Dei var skikkelig sure.

Tulla!

Nye kunstar

2008-02-28T06:17:00.001-08:00

Denne siste grimasen er heilt ny på repertoaret. Lurer litt på kva den handa i munnen er godt for, men det er sikkert noko ho har sett på tv.

Advarsel!

2008-02-27T06:16:00.000-08:00

Denne såpa stinker svette.

Verdens dårligaste slagord

2008-02-27T06:13:00.000-08:00

" Hvis du vet hvor du har vondt"... Herlighet!

Viss du har vondt, klarer du vel å lokalisere det. Kjerring.

Liv & Røre

2008-02-12T02:45:00.000-08:00

I helga var det Liv & Røre / Rød Diesel i Lommedalen kirke, med 350 hormonelle tenåringar og ein bunt med meir eller mindre fjasete leiarar. Det er første gongen Liv & Røre og Rød Diesel samarbeider, og det var mykje folk og mykje lyd. Men gøy var det, særlig når eg kunne legge meg i mi eiga seng i staden for på ei madrass i eit klasserom når det blei natt.
Det var høg kjendisfaktor, bl.a. kom han her og sang klissesongar for oss:

Høgdepunktet for meg var definitivt konserten med Samuel Ljungblahd og dei fantastiske koristane hans. Jubelen sto i taket frå første stund, og eg trur dei blei litt tatt på senga av den overveldande mottakinga.

I tillegg til å ha bra songar, fett band og utrulege stemmer, har Samuel & co. ein snodig og vittig koreografi. Kan ikkje forklarast, må opplevast.

Sirkusprinsesse?

2008-01-31T00:45:00.000-08:00

No har eg øvd og øvd, og endelig klarte eg å balansere to kasser og ein papirrull på hovudet!

(Kan også nemne at eg har fått laptop med webkamera, og bruker store delar av dagen til å leike med det.)

Prima ballerina

2008-01-15T05:38:00.001-08:00

Lilly er veldig opptatt av ballett for tida, og fekk strutteskjørt og turndrakt til jul. Posisjonen på biletet heiter visstnok "arabesque", i følge ballerinaen sjølv. Mora og minst ei tante er strålande fornøgd, og vi har tenkt å realisere alle våre knuste ballett-barnedrømmar gjennom henne.

Så eit lite nyttårsglimt frå Grefsen. Vi tjuvstarta litt med rakettar til ære for ungane, men stjerneskudd var nok det som var mest stas. Litt skummelt med alle rakettsmella...

God jul!

2007-12-24T01:16:00.000-08:00

Julaftan er her, og vi har allereie sukra oss grundig innvendig. Nissen har fylt opp strømpa til Lilly, og ho er veldig forundra over at ho ikkje hørte han seie ho-ho-ho då han var her i natt. I går pynta vi treet med sikkert 100 kuler, og Lilly var kunsterisk sjef. Om eit par timar reiser vi i kirka. Det er alltid fin julegudstjeneste i Helgerud, med pikekor, julespel og Iver i sitt ess. Sånt blir det julestemning av.

Barnehagen hadde fest for eit par veker sidan, med julespel. Lilly var engel.
Midtveis i spelet blei Josef akutt febril, og sank sammen over krybba. Han sleit seg gjennom resten av stykket med krittkvitt ansikt, og fullførte tappert soloen sin.
Farfar kom i skade for å fortelle at han brukte å vere nisse for personalbarnehagen før i tida, og dermed var det gjort. Han gjorde ein fin figur, og Lilly kjente han ikkje igjen.

God jul til alle!

Jajaja!

2007-12-01T07:05:00.000-08:00

What Turid Means

T is for Tasty

U is for Unreal

R is for Revolutionary

I is for Ideal

D is for Dashing

What Does Your Name Mean?

Kan det vere sant?

2007-10-22T05:00:00.000-07:00

Kven skulle vel tru at denne sjarmerande jenta er 31 år? Ingen, så vidt eg kan skjønne. Ser ikkje ut som eg er ein dag over 30.

Er her, altså!

2007-09-03T01:27:00.000-07:00

Eg har ikkje forsvunne heilt, men med ein ødelagd pc og bortkommen kamerakabel er det begrensa kor mange postar eg får produsert.

Alt for lenge til Idol!

2007-06-15T03:06:00.000-07:00

Idol har blitt dårligare og dårligare med åra, men eg har følelsen av at det vil ta seg opp igjen i år. Fantastiske Kyrre frå P3 skal vere programleder, håper han har tenkt å vere like morsom som på radio. Dessuten går det rykte om at søskenbarnet mitt, Åste, har gått vidare - og merk mine ord: Ho kjem langt. Men det aller beste er å sjå fjortisane som trur dei er kjempeflinke med innøvde "naturlige" bevegelsar som passar til teksten osv. Æ gler mæ!

En dag uten trening, en dag uten mening

2007-06-06T01:13:00.000-07:00

Sideflesket har begynt å ekspandere, så eg har lagt meg til ein ny vane: Etter at eg har levert Lilly i barnehagen går eg skogstur (fjelltur viss ein legg godviljen til) i området bak huset vårt. Dette er eg såpass kry over at eg alltid ringer nokon når eg er på toppen, berre for å kunne seie at eg ringer frå ein fjelltopp (fjell kan vere bittesmå også, ikkje sant). Googla Dale for å finne eit bilde av utsikta, og alt eg fann var eit maleri. Men sånn ser det altså ut frå toppen.

Den beste følelsen i verda!

2007-05-23T05:51:00.000-07:00

Det er ingen ting som slår den lettelsen det er å gå ut av eit tannlegekontor! Eg har nettopp komt heim etter å ha rotfylt ei tann, og svever på rosa skyer (nei, det er ikkje bedøvelse). Har til no hatt fire tannlegebesøk som til sammen har kosta meg 3500 kroner, og enda er det ikkje heilt ferdig. Har ny date med tannlegen om tre veker, og då skal han legge på skikkelig fylling og bore ein sekundærkaries (tannlegespråk for drita stort høl), så det blir minst 1000 kroner til. Hurra!

Om nokon skulle vere rotfyllingsjomfru og lure på kva den grønne duken er til, så er det for at det ikkje skal komme dritt inni tanna. Ganske vanskelig å puste under, særlig når tannlegen gir seg til å vaske heile området med sprit. Det er forresten kanskje forklaringa på dei rosa skyene?

17. mai

2007-05-17T12:16:00.000-07:00

Gidd ikkje å skrive så mykje om 17. mai, det er jo alltid det samme som skjer. Hadde bunadspolitiet sett meg i år, hadde dei blitt rysta. Bunaden var så trang at det likna meir på kroppsmaling enn eit klesplagg, eg fann ikkje bunadskoa og måtte ty til nokre andre svarte (med en liten kilehæl...not good), sølvet var upussa (sølvpussen låg nok ein lur plass i lag med skoa), og sidan mor gløymte å lage cape då ho sydde bunaden, måtte eg bruke eit nokså ufikst, svart sjal til den blå bunaden. Lover å skjerpe meg til neste år. Eg brukte i det minste ikkje solbriller.

Korleis fikk far Lilly til å posere slik?

Eg er heilt lik mor. Samme smil, samme mysing, samme positur, samme alt.

Vi er skikkelig gæææærne, altså

2007-05-07T08:52:00.000-07:00

Lei av alt for mange nederlag på boligmarkedet, smelte vi i dag til og kjøpte eit rekkehus USETT!
Det ligg på Bærums Verk, og ser i alle fall fint ut i annonsa...Så no får vi håpe at vi ikkje har kjøpt katta i sekken.

Her er det: www.finn.no/finn/realestate/object?finnkode=9961247

Sjukdom

2007-04-22T10:36:00.000-07:00

Eg har aldri vore typen til å bli veldig sjuk. Før eg plutselig blei det. Vi har hatt utruleg mykje sjukdom det siste året, og i går begynte eg å rekne på det. Sidan vi reiste i turnusteneste har Lilly vore sjuk og heime frå barnehagen 18 gonger. Minst tre av desse gongane har ho vore borte ei veke. I tillegg kjem dei gongane ho har blitt sjuk i helger og feriar. Eg har blitt smitta stort sett kvar gong. Høgdepunkta var heilt klart mi kyssesjuke i vinter og Lilly sitt døgn på sjukehus i vår.

Kan det virkelig vere nødvendig å vere sjuk så ofte? Det er så utmattande både på den som er sjuk og den som må vere sjukepleier. Satsar på at dette betyr at vi snart skal ha to år heilt blotta for alle skumle virus- og bakterieinfeksjonar som ellers måtte herje landet.

(Mens eg skriv dette har eg sjølvsagt bihulebetennelse, og Lilly har feber og øreverk)

Ajajaj

2007-04-11T01:30:00.000-07:00

Eg er ingen fan av å reise med fly, og har alltid sagt at eg ALDRI skal setje foten innanfor døra på eit Widerøe-fly. Dette må eg no gå tilbake på, for når vi skal kjøpe hus i Bærum er det litt tungvint å reise på visning med nattbuss. Så i helga tek eg ein Valium og hoppar i det. Sjølv om eg ikkje er overtruisk føles det litt ekkelt at det er fredag 13. denne miniflydebuten skal finne stad. Prøver hardt å ikkje tenke på alle nødlandingane og nestenulykkene Widerøe har hatt dei siste åra.

På ebay-kjøret igjen

2007-03-28T01:55:00.000-07:00

Har havna på ebay-kjøret igjen, og i dag låg dette i postkassa. Skoa kosta eit halvt pund og er fantastisk fine. Ingenting er som eit skikkelig kupp! Kåpa var ikkje fullt så billig, men Lilly kjem til å sjå ut som ei lita dukke i den.

Det gjør så vondt i tennene mine!

2007-03-23T02:46:00.000-07:00

I går, rett etter middag, fikk eg plutselig skikkelig tannverk. Eg tenker med gru på alderdommen min, for maken til dårlige tenner skal du leite lenge etter (ikkje så veldig lenge, forresten, men ei lita stund. Dersom du i det heile tatt føler for å gå rundt og leite etter dårlege tenner). Eg har ingen skrupler med å gi mykje av skulda til skuletannlegen på Stranda. I åttande klasse fekk eg plutselig ni hol - litt rart sidan eg aldri hadde hatt hol før, og tannlegen bora dei uten bedøving for å gi meg ein lærepenge. Er det rart folk får tannlegeskrekk? Deretter stappa han dei fulle med amalgam. Litt for mykje amalgam, skulle det vise seg, for no har tennene begynt å sprekke litt her og der pga for store fyllingar. I desse sprekkene snik det seg inn små kariusar og baktusar tidt og ofte, seinast for eitt år sidan... og truleg er det det som har skjedd no også. Eg kan like gjerne begynne å spare til gebiss først som sist.

Har forresten fått time med tannlege Borgersen på Bekkestua neste mandag. Han er flink, rask og smertefri og ein drøm for dei som er litt redd for skumle tannlegar. Det var reklame.

Rare namn

2007-03-21T01:22:00.000-07:00

Litt billig humor på ein tirsdag:

www.nrk.no/underholdning/alltid_moro/5841136.html

På pinnane

2007-03-18T08:59:00.000-07:00

Har begynt å strikke ei slik jakke til Lilly, berre i beige. Har laga ei før også, men den var i str. 3 mnd og var ørlite grann raskare å strikke enn str. 3 år. Skulle egentlig gi den vekk til ein av alle babyane som dreiv og poppa ut ein periode, men syntes den blei så fin at eg ikkje klarte å gi den frå meg. Så enten må eg få ei jente til, eller så må nokon andre få ei. Og ho bør helst vere så søt at ho fortjener jakka.

Språk og sånt

2007-03-17T01:42:00.000-07:00

Det er i grunnen veldig artig å bo ilag med ei som held på å lære å snakke. Nesten kvar dag kjem det gullkorn som er til å skratte av, som då ho plutselig erklærte ved middagsbordet: "Pappa, jeg e stolt av deg". Ellers er Lilly veldig opptatt av kjensler ("jeg e alt for lei meg"), og liker godt å kjefte på oss for så å gi trøst etterpå: "FU, MAMMA! .....så så, lille venn. Går det bra med deg?"

Andre snodige ord og uttrykk:

Jobengen = B-gjengen
Virra! = Hurra!
Frettin = Tretten
Grattemelere dagen = Gratulerer med dagen
Jeg har vide! = Jeg har en idé (ideen er alltid å hente is i fryseren)

Vottar

2007-03-11T04:25:00.000-07:00

Vottesesongen er vel strengt tatt på hell, men eg måtte berre teste ut ei oppskrift på vottar strikka på to pinnar. Ellers gjer eg alt eg kan for å sleppe å gjere ferdig denne genseren som eg har hatt liggande lenge:
Har mest lyst til å kaste den, men problemet er at den er så veldig fin - så eg må berre få det unnagjort.

1-0

2007-03-05T09:39:00.000-08:00

Treng vel ikkje å kommentere denne med noko anna enn: ÆSJ.

Mus!

2007-03-04T13:35:00.000-08:00

Vi har mus i huset, og panikken brer seg i magen. Det krafsar ein plass inne i kjøkkenbenken som er gjenspikra, og som vi altså ikkje når. Begynte å lese litt på ei nettside, men blei berre meir skremt. Mor foreslo at eg kunne sette meg ned og synge musevisa for den - men eg trur eg held meg til den gode gammaldagse musefella.

Lita og sjuk

2007-03-01T03:20:00.000-08:00

Det er ikkje lett å vere sjuk når ein ikkje klarer å uttrykke kvar det er vondt. Influensa har nådd oss, og det var berre eit spørsmål om tid, sidan Lilly har begynt i barnehage med eit svært avslappa forhold til hygiene.
Her ei natt vekte ho meg og ville tisse, men eg gadd ikkje å stå opp, og meinte at ho kunne tisse i bleia. Det hadde sikkert gått greit, viss ikkje "tisse" i denne samanhengen hadde betydd "spy". Noterer meg dette bak øret til seinare.

Hjertesmerte

2007-02-22T05:07:00.000-08:00

Det er ingen spøk å sende barn i barnehage. Lilly er 2,5 år, og har allerede begynt i sin tredje barnehage. Før ho er tre har ho begynt i nummer fire. I går var ho aleine for første gong, og synet av den lille skjelvande underleppa er nok til å knuse eit morshjerte.

Eg har gått med følelsane tjukt utanpå i heile går og i dag, og blir rørt av den minste ting. Då hundre barn sang bursdagssang til kongen under høgtidsgudstenesta på nrk i går, var det ikkje berre Mette-Marit som grein, for å seie det sånn...

Familiereklame

2007-02-21T02:19:00.000-08:00

Søndag kl. 20.00 er det TVNorge som gjeld. Synnøve skal vere programleder for programmet "Birkebeinerne", der åtte innvandrarar skal lære å bli gode nordmenn. Etter ti veker intens skitrening skal dei gå birkebeineren på 5,4 mil.
Eg skal i alle fall gjere mitt for å bidra til at sjåartala blir høge, har nemlig splitter ny parabolantenne.

Meir om programmet her: www.tvnorge.no/programmer/birkebeinerne

Dale så langt...

2007-02-19T11:46:00.000-08:00

Har ikkje peiling på kor kameraet er, så det blir ikkje illustrasjonsfoto.

Så langt er inntrykket av Dale at absolutt alt er gammalt og skrøpelig. Den kommunale leiligheta har flust av feil og manglar, og i tillegg hadde ikkje den afghanske familien som budde her før vaska etter seg. Det er/var rett og slett gøøøøørskittent. Veldig ekkelt. Var skikkelig klar for å vaske ei stor leilighet når vi nettopp hadde vaska ned eit heilt hus. Sukk.

Barnehagen til Lilly er minst like gale. Den blei vel bygd på seint 70-tal eller tidlig 80-tal, og det har garantert ikkje blitt pussa opp etter det. Hygienen er ikkje imponerande der i garden heller, så eg er ikkje direkte begeistra.

Energien min går med til å virke veldig entusiastisk, slik at Lilly skal bli overbevist om at her er det kjekt. Synes eg gjer ein god jobb så langt.

Ellers har eg i dag utforska kjøpesenteret (fort gjort), som består av nokre få blandingsbutikkar av typen jakt & foto, blomster & jernvare osv. Typisk bygd, altså.

Fin leilighet

2007-02-13T02:20:00.000-08:00

http:/finn.no/finn/realestate/object?finnkode=9368962

Denne har eg lyst på. Den ligg i eit bra område, og har passe med plass.
Det er overtaking i slutten av april, så viss nokon vil leige den eit par månader, kjøper eg!

Vi flytter

2007-02-12T01:27:00.000-08:00

Onsdag flytter vi til Dale, og eg begynner å grue meg litt. Nordfjordeid er egentlig ein ok plass, og vi kjem nok til å lengte litt tilbake. Lilly har alle vennene sine her, og eg har skikkelig dårlig samvittighet for at ho må flytte rundt som ein annan flyttsame.

Vi var i Dale på laurdag med eit lite flyttelass, og det er virkelig ein bitteliten plass. Heile bygda heng igjen på midten av 80-talet, inkludert leiligheta vi skal bu i. Den er faktisk ganske stygg, med linoleumsgolv og slitte veggar. Vi får berre gi oss hen til 80-talet og slenge opp alt vi har av nips og stæsj på veggane. Barnehagen er nærmaste nabo, og det kan vere både fordel og ulempe. Det kan nok hende at Lilly blir litt sippete og vil heim når ho ser meg.

Første dag på jobb og barnehage er fredag. Spennande, begge deler. Mi rolle blir å vere bakande, oppmuntrande og middagslagande husmor.

Heldigvis får vi breiband, og eg vurderer sterkt å kjøpe parabol. Neste post blir nok frå Dale i Sunnfjord :)

Berre for å ha sagt det...

2007-02-04T05:24:00.000-08:00

...så står eg her og koker suppe på eit bein. Nok ein gong viser eg meg som ei ekte husmor. Det ser kanskje ikkje spesielt delikat ut, men lukta lover godt.

Kjappis II

2007-02-01T01:56:00.000-08:00

Kjappis

2007-01-28T03:43:00.000-08:00

Ei god husmor veit å utnytte tida godt, så mens Lilly såg barne-tv i dag tidlig, strikka eg denne. Den blei alt for lita til henne, så så veldig vellykka var det ikkje. Det er sikkert ein eller annan unge der ute som treng ei hue.

Filipokus!

2007-01-26T00:17:00.000-08:00

Lilly er opptatt av trylling for tida. Denne tiaraen er av og til "prinsessekrune", av og til solbriller, men som regel trylleaccessoir.

"Mamma seie kar ho Lilly e!"

Neimen, kvar er Lilly? Har ho blitt borte? Då trur eg jammen vi må trylle.

"Filipokus, filipokus, FILIPOKUS!!"

...ingenting skjer...

Hm, Lilly er borte enda!?

"Hihihi...FILIIIIPOKUS!"

Der var ho!

Vinterstemning

2007-01-23T01:29:00.000-08:00

Slik ser utsikta frå verandaen ut om vinteren (etter at eg har spadd vekk ein meter snø på verandarekkverket). Du kan seie mykje fint om Bærum, men Vestlandet er ein klar nummer 1 når det gjeld vakker natur.

Deck the halls

2007-01-23T01:04:00.000-08:00

Det er jo snart jul, så eg har begynt på julepynten. Dette treet tok mindre enn ei veke å lage, og med gullramme blir det ein fest (juletrefest, åff kårs).

Nærum er ei sinke!

2007-01-19T13:00:00.000-08:00

Knut Nærum har laga teaterstykke om en gjeng som vil bli kjendisar, og har talkshow for seg sjølv. Det blir ikkje sendt på tv, men dei skaper eit samfunn der dei er kjendisar uten at nokon kjenner dei igjen i det vanlige samfunnet. Nærum sa på Først & sist at han håper det fins nokon som driv med dette på rett.

Velkommen etter, Nærum!
To unge frøkner, la oss kalle dei Marit og Gurid, har gjort dette i mange år allereie. Talkshowa finn alltid stad i ein fin sofa eller store ørelappstolar, og temaet er uten unntak kvinneg og kvinnegelategte spøgsmål. Så dette er regelrett plagiat av Knut Nærum!

Do-re-mi

2007-01-19T02:31:00.000-08:00

På laurdag begynner semifinalene i Grand Prix, og det må vi sjå! MGP er ikkje heilt det samme som før, då heile familien benka seg framfor tv-en med heimelaga pizza. Sendinga gjekk samtidig på radioen, og far kobla til kassettspelaren slik at vi kunne ta det opp. Den sterkaste MGP-opplevelsen min er frå 1983, då Jahn Teigen vann med Do-re-mi. Det var den vakraste songen eg hadde høyrt i heile mitt liv, særleg fint var det litt ut i songen då Jahn improviserte over refrenget: Dooooooo-re-mi-fa-so, do-re-mi (mulig dette blei litt utydelig, men eg høyrer det klart inni hovudet mitt).
Den natta spelte eg songen om og om igjen mens tårene trilla.

Koredamene heitte Silhuette, og eg trudde eg skulle dåne då dei kom for å opptre på Strandadagane. Lystløgner som eg var, lurte eg venninnene mine til å tru at eg hadde møtt dei, og at vi hadde blitt bestevenninner. Eg skreiv til og med minne i minneboka mi som angiveleg var frå jentene i Silhuette. (Minne til Turid: Roser er røde osv. Hjertelig hilsen Nina)

Er forventningsfull til årets MGP, og håper på ein like sterk hit som Do-Re-Mi.

The return of Leonardo

2007-01-17T01:06:00.000-08:00

Var på kino og såg The departed i går, med bl.a. Leonardo DiCaprio, Matt Damon og Jack Nicholson - og plutselig kom eg på kvifor eg var forelska i Leonardo for ti år sidan. Det var faktisk på nære nippet at han tangerte Michael Jackson på eit tidspunkt, men så blei han kvapsete fyllik, og då gikk det over.

No har han trent seg stram og fin igjen, og er heilt fantastisk som undercover cop i filmen. Eg er vanlegvis ikkje fan av actionfilmar, men denne var knallbra. Masse blod og gørr og moro i to og ein halv time.

Det Leonardo er aller best på, er å grine på film. Det blei litt lite av det i denne filmen, men han hadde tårer i augekroken eit par gonger i begynnelsen.

Topp tre Leonardo-gråteøyeblikk:
1) Netter i New York (desperat abstinensgråt)
2) Romeo og Julie (å nei ho er død-gråt)
3)...her må Mari fylle inn, klarer ikkje å bestemme meg.

Nynorsk vs. bokmål

2007-01-12T02:11:00.000-08:00

Eg har alltid vore nynorskdame og sidemålsforkjempar, men etter at eg slutta på vidaregåande og flytta ut i det store bokmålslandet har det skjedd ting. Dei første åra tviheldt eg på nynorsken, så begynte eg å bruke bokmål i visse samanhengar. Plutselig, på uforklarleg vis, har det blitt sånn at eg skriv bokmål til vanleg og nynorsk i visse samanhengar. Korleis skjedde dette? Eg har heilt mista nynorskfølelsen, og må ofte tenke meg om før eg skriv eit ord. Det var veldig uvant å flytte til ei nynorskbygd igjen, men språket mitt har hatt godt av det. Denne bloggen skal i alle fall vere nynorsksone, så får resten forfalle. Heia Ivar!

Ut med det gamle, inn med det nye!

2007-01-09T11:21:00.000-08:00

No står denne deilige skapningen midt i stova vår, og det føles plutselig veldig greit at den gamle tv-en konka. Er så vant til liten drittv at 32" virkar heilt enormt. Kabel-tv no, så blir det saker!

R.I.P.

2007-01-08T12:32:00.000-08:00

LUXOR
2002-2007

Vår kjære Luxor sovna stille inn under Mikke Mus Klubbhus, etter eit kortare sjukeleie,
mandag 8. januar 2007. Han rakk aldri å vise premieren på Farmen, som vi alle hadde sett fram til. Luxor vil bli gjenvunnen av Nordfjord Renovasjon i morgon den dag. I staden for blomster til heimen, set vi pris på eit bidrag til ny og fin flatskjerm, helst før Grey's Anatomy.

Takk for alt.

Det var tider, det.

2006-12-22T03:23:00.000-08:00

Det er ikkje så mange år sidan Mariah Carey var det store forbildet, og juleplata var det beste eg hadde hørt på lenge. Eg øvde og øvde på å synge akkurat dei trillane ho gjorde, og syntes nok eg fekk det ganske bra til. Mari må nok ha gjort det samme, for det var slik superduoen Unni & Gunni blei fødd - vi oppdaga at vi kunne akkurat dei samme sangane, på nøyaktig samme måte som Whitney/Mariah/Michael sang dei. Dette sparka i gang ein serie intimkonsertar, som var såpass intime at ingen fikk komme. Vi lessa Clavinovaen full med tente kubbelys, hadde tåredryppande introduksjonar til kvar song, og sang i vei med inderlig vibrato. Like greit at ingen hørte, dei ville ikkje forstå. Berre ein gong har det offentlege fått oppleve Unni & Gunni i herlig duett ("Hold me now", Johnny Logan), og då tok dessverre nervane oss litt på senga. Men vi veit sjølv kor flinke vi er.

Nok sutring!

2006-12-19T03:06:00.000-08:00

No er det nok sutring om skrantande helse. Det har faktisk komt mykje positivt ut av denne kyssesjuka så langt, og meir skal det nok bli:
* Eg kan handle på nettet så mykje eg vil - må jo ha julegaver!
* Eg har stifta bekjentskap med mange fine medisinar eg aldri ville møtt uten kyssesjuka
* Eg har gått ned i vekt. Ikkje så rart, kanskje, når eg har ligge bom stille og ikkje ete på to
veker.
* Eg får lov å sove heile dagen
* Eg slepp å sminke meg
* Eg treng ikkje å vaske kle, går kun i pysj

Dagens höjdare er at eg no er i stand til å svelge heilt uten medikamentell hjelp, og at eg faktisk har på meg vanlige kle i dag (sjokk). Før du veit ordet av det, kan eg finne på å bevege meg ut av huset.

O smerte!

2006-12-15T02:51:00.000-08:00

Nest etter fødsel, er kyssesjuka ein god nummer to når det kjem til smerte. Trudde liksom eg skulle sleppe unna med ei veke i senga, men den gang ei. No har eg vore sjuk i to veker, og har så sinnssvakt vondt i halsen som eg ikkje trudde var mulig. Gjorde den bommerten å ta ein titt bak i halsen min, og den eine mandelen ser så guffen ut at det er reint uapetittelig å ha den inni der. Eg har konstant smertestillande innabords, uten at det hjelp nevneverdig, og i natt sov eg sittande i sofaen på stova for å i det heile tatt vere i stand til å svelge.

I helga kjem mor og far på besøk, så då blir det vel litt trøst å få :)

Lys i tunellen

2006-12-08T04:23:00.000-08:00

Har ikkje blitt knalldårlig enda, så det er mulig eg slepp unna billigare enn først antatt. Foreløpig søv eg stort sett heile døgnet. Er våken ein eller to timar, og søv to timar, våken to timar, søv litt osv... Kanskje, viss eg kIarer å holde meg nokonlunde våken fleire timar i strekk, tar vi ein tur til Oslo i slutten av veka. Det er på ingen måte plaster på såret, men då får vi kjøpt eit par julegåver i det minste. Utvalget på Eid er ikkje så stort. Håper på det!

Ferien utgår

2006-12-05T08:37:00.000-08:00

Etter å ha følt meg elendig sidan fredag, blei det i dag konstatert at eg har kyssesjuka. Dermed går turen til Barcelona i dass, og humøret er på bånn.

Dåpsdag

2006-11-28T01:30:00.000-08:00

I dag har Lilly dåpsdag! Ho vart døypt første søndag i advent 2004, i ei lettare kaotisk gudsteneste med ungar over alt. I dag tenner vi dåpslyset og lager fiskekaker til middag (etter dåpsbarnets ønske).

STIAN!!!

2006-11-22T00:53:00.000-08:00

Stian, du er min aller beste venn.
Stian, skal vi to leke litt igjen?
Stian, når du tar på din cowboyhatt
blir hele gaten vår betatt!

Quizzzzzz

2006-11-15T00:13:00.000-08:00

I kveld er det min tur å arrangere quiz på den lokale puben, sidan eg var så glup at eg vann forrige gang. Ei lita smaksprøve:

Eg er liten av vekst, men vart stor på 80-talet på grunn av mykje reising fram og tilbake. Namnet mitt minner om ein figur i ein norsk barnesang, og eg er namnebror med både ei popstjerne og ein stor basketballspelar. Eg har spelt i tv-seriar og filmar frå eg var liten og heilt fram til 2000. Då sette ei rystande diagnose ein stoppar for karrieren. Kven er eg?

Anyone?

Eg er i gang!

2006-11-14T01:05:00.000-08:00

For aller første gong i heile livet mitt er eg tidlig ute med julegåvene. På spisebordet ligg det allereie fire ferdig innpakka gåver. Ikkje nok med det, eg har sydd juleduk (mykje banning og steiking involvert her...), planlagt kva eg skal bake, og skrive ei lang liste over alt som skal gjerast til jul. Snart er julekorta ferdige også, men det er ikkje så imponerande, for eg bestiller dei frå kortshop.
Silje jobbar der, så Lilly er modell på fleire av korta på nettsida. (Barnestjerne? Det er lov å håpe). I år ligg altså alt til rette for at eg faktisk skal vere forberedt når jula kjem.

Eg trur forresten eg er i ferd med å bli ei sånn kjip tante som berre gir mjuke, heimestrikka gåver...

Søta sjøl

2006-11-05T10:37:00.000-08:00

Er litt trøtt i kveld, og det har nok Lilly merka, for i sta gikk ho og ordna senga på gjesterommet, for så å hente meg. "Slapp av mamma. Ta med ro." Så måtte eg legge meg, og ho pakka meg inn i dyna. Så gikk ho og henta eit glas vatn, og venta mens eg drakk opp alt. "Godt mamma?" Så satte ho glaset på kjøkkenet, og henta smokk og kosedyr til meg så eg kunne slappe av skikkelig. Zmelt...
På bildet har ho ei av sine daglige danseoppvisningar. For den som ikkje veit det, er det tre ting som er heilt essensielle når ein skal danse: Kjole, smykke og hovudplagg.

Tett i potta

2006-11-03T03:09:00.000-08:00

Lilly var heime frå barnehagen i går pga. forkjølelse, men ho var akkurat frisk nok til å vere ein ganske krevande propell. Først skulle ho male. Det betyr at ho skal kommandere meg til å male forskjellige ting som er heilt umulig å setje på eit papir. "Mamma male åååå boogie boogie", for eksempel...

Så måtte vi ut og leike. Eg prøvde å utsetje det i det lengste med å sette på film osv., men måtte til slutt til pers. Etter en times herjing gikk vi inn for å ete, og deretter sove formiddagskvil. Etter 20 minutts lading var det full rulle igjen (mot normalt 1 1/2 time). Eg kan ikkje med min beste vilje forstå korleis mor orka å vere heime i 15 år med fem ungar.

Heldigvis er Lilly bra nok til å gå i barnehagen i dag. Eg, derimot, har blitt kjempeforkjøla. Eg som akkurat hadde blitt frisk etter å ha vore forkjøla i ein månad. Er veldig fascinert over at kroppen kan produsere så mykje snørr.

Innedag

2006-10-31T03:39:00.000-08:00

Eg skulle liksom gå tur kvar dag, men det er ikkje så fristande når det er vått overalt. Lilly og eg tok bilen dei 500 metrane til barnehagen i dag (eg måtte kjøpe brød også, så det var forsåvidt greitt).
Så i dag sit eg i sofaen og strikkar og ser på tv, med fyr på peisen. Huset ser ikkje ut, så eg burde kanskje ha gjort noko med det, men gidd ikkje. Har funne ut at det ikkje er vits i å prøve å ha det ryddig her, vi får heller begynne eit nytt og bedre liv når vi skal flytte. Om ei stund skal eg ta meg ein tur ned i Eid City og sjekke folkelivet der, men eg trur nesten eg må ta ein liten høneblund først...

WWJD?

2006-10-30T01:18:00.000-08:00

Desse fire bokstavane kan bety så mangt, og no for tida står J-en for Jeanette (som i Roede, sjølvsagt). Frå no av er det null snop, og sunne, små måltid kvar tredje time. Denne sjølvpininga skal vare heilt til jul, slik at eg kan velte meg i ribbefett, kaker og godis med plettfritt samvit.

Utsikt frå verandaen

2006-10-26T01:10:00.000-07:00

Enten har fjellet fått flass, eller så er det snart vinter. Grur meg til å måtte vasse i snø for å finne bilen, som så må gravast fram og skrapast før eg kan sette meg inn, blåfrosen på fingrane. Så tar det minst ti minutt før det er skikkelig varmt, men då er eg allereie framme og må gå ut i kulda. Når eg så skal heimatt, er det samme historia om igjen. Viss det var opp til meg, skulle årstidene veksla mellom vår og haust heile tida, kanskje med ein ikkje alt for varm sommar i ny og ne.

Endelig ferdig!

2006-10-25T00:58:00.000-07:00

Har sikkert brukt 100 timar på dette bildet som Lilly skal ha på rommet sitt. Skal berre stryke det og ramme det inn, så er det fiks ferdig (det tek minst like lang tid). Julegave, kanskje?

Vareopptelling

2006-10-24T02:39:00.000-07:00

Har hatt opprydding i sminkeskapet, og dette er det eg skal kaste. For den som synes dette ser mykje ut, er det ingenting mot det som er igjen: 77 øyenskyggar, 15 liplinerar, 13 kajalar, 38 lebestiftar og 10 rougar. Ingen grunn til å handle sminke dei neste 20 åra, altså.

Frokostquiz

2006-10-24T01:19:00.000-07:00

Det skal ikkje vere lett å vinne 30.000 kroner! Kva er eit anna namn for "medisinbutikk"? Det er ein plass legen sender deg for å kjøpe medisin når du er sjuk. Dei som arbeider der er farmasøytar og driv med farmasi. Beats me...

Forfallet har begynt

2006-10-23T00:31:00.000-07:00

No er eg altså 30 år, og det er berre å rulle inn puppen, kaste inn handkledet og legge inn årene. På tide å begynne med rynkekrem, hårnett og broddar under skoa.

Hvilken dag er det i dag?

2006-10-22T14:20:00.000-07:00

Trallalalala...

Strikkestrikkestrikke

2006-10-13T01:52:00.000-07:00

Eg har uante mengder med restegarn, og har innført kjøpestopp til det er tomt. Det vil ta ca fem år. I mellomtida strikker eg 70-tallshuer til alle bebisane som driv og poppar ut.

Ikkje greit å være datadust

2006-10-13T01:31:00.000-07:00

No har eg styra ei stund for å komprimere eit bilde slik at eg skal få det inn i profilen min. Spørsmålet er så korleis eg får det til å dukke opp ved sida av alle postane...

Slik ser ein 29-åring ut

2006-10-13T01:21:00.000-07:00

Oslotur!

2006-10-13T00:16:00.000-07:00

Reiser til Oslo i dag, og blir i ei veke! Har ikkje mange planar, bortsett fra å gå på visninger, handle litt, og feire 30-årsdagen min som er neste søndag. No ligg eg på sofaen og lurer på om eg skal gidde å pakke, og rydde og vaske heile huset. Eeeh...nei.

Tappe blod

2006-06-16T02:55:00.000-07:00

Skal på sjukehuset og ta masse blodprøver...grøss.
Sit her og utset det i det lengste.

Har jobba litt med konf.undervisning til leiren i dag. Har ansvar for Jesus-timane. Ikkje lett å finne opp kruttet, men det er på tide å fornye seg, så eg prøver.

70-tallskjole

2006-06-02T06:08:00.000-07:00

Har hekla fin kjole til Lilly! Fann mønsteret i eit gammalt svensk blad heime hos mor, og der var mange andre fine ting også. Kjolen er skikkelig mini, og veldig kul over jeans.

Broderier

2006-06-02T05:55:00.000-07:00

Har brodert mykje småtteri i det siste. Har nok av tid som hemmafru. Burde strengt tatt gjort litt meir husarbeid og litt mindre tull, men tull er artigare enn arbeid :)

Elendig fotokvalitet her, men skitt au.

Ny blogg!

2006-06-02T05:44:00.000-07:00

På tide med en ny blogg. Hadde en før, men er ikkje i stand til å finne den igjen. Det betyr altså at den ikkje var flittig brukt, så det er ikkje så nøye.

Får gjort mykje handarbeid her oppe i gokk. Har for eksempel laga denne jakka i alpakkaull til Julia. Den er visstnok veldig god å ha på seg, men det kan vi vel egentlig ikkje vite, i.o.m. at alle som seier det er alt for gamle til å huske det. Fin er den i alle fall. Hadde samme sort sjølv då eg var baby, men den hadde gule striper. Då eg var lita trudde eg at stripene var majones, derfor har denne jakka alltid heitt majonesjakke.